By Jong Cadion
Pagadian City - Gipahan-ay na ang mga gikinahanglan alang sa pagpabalik sa communication network system sa mga kabarangayan sa dakbayan sa Pagadian aron mapadali ang paghidangat sa mga kasayuran ug pagrespondi nganha sa mga hingtungdan buhatan sa kagamhanan hilabina sa mga panghitabo.
Kini ang nakit-an nga tubag sa mga problema alang sa pagsumpo batok sa tanang matang sa mga kriminalidad nga mahitabo sa dakbayan sa Pagadian, Matud pa ni Konsihal Arnold Gavenia.
“Dili lamang pagbatok sa tanang matang sa krimen lakip na usab ang mga emergency o kalamidad nga posibling mahaitabo hitabina sa mga lagyo nga mga kabarangayan,” pamahayag pa ni Konsihal Gavenia.
Ang communication equipment sama sa VHF Radio transceiver maoy usa sa mga importanti nga mapadali ang pagpadangat sa mga kasayuran nga wala na nagkinahanglan og load susama sa cellular phone.
Atong kahinumduman kaniadto adunay kompleto nga mga VHF radio transceivers ang mga kabarangayan ug kinahanglan nga mamugna kini pag-usab, midugang pa ni Gavenia.
Samtang gipaburan ni Retired Col. Asuri Hawani ang security adviser sa dakbyana ang maong planoni Konsihal Gavenia.
Oyon usab ang bag-ong natudlo nga Hepe sa Kapulisan nga si P/Supt. Primitibo Lorenzo sa maong plano sa konsihal aron mapasayon ang pagsumpo sa krimen susama sa carnapping, shooting incident ug tulis.
Si Konsihal Gavenia maoy kasamtanang chairman sa committee on Tansportations and Telecommunications ug ingon man usab chairman sa Motorized Tricycle Franchising and Regulatory Board (MTFRB) sa City Council.
